चांदवडहून सोलापूरकडे जाणाऱ्या बोलेरोला बुधवारी मध्यरात्रीनंतर येवल्याजवळ एका ट्रकने धडक दिल्यामुळे बोलेरोतील सातजण जागीच ठार झाले. अपघात एवढा भीषण होता की बोलेरोचा चक्काचूर झाला.
चांदवड येथील किरण शांताराम मेतकर (३०) हा मुलगी पाहण्यासाठी त्याचे धुळे, मनमाड, नगर व चांदवड येथील नातेवाईकासह सोलापूरला जात असताना हा अपघात झाला. त्यात किरणही ठार झाला. या अपघातात किरणचे वडील शांताराम मेतकर (६०) त्याचे नातेवाईक उद्धव महाजन (मनमाड, ५०), योगेश तलवारे (धुळे, ५०), गणेश बुरकुल (नगर, ५०) यांच्यासह चालक सलीम रहीम अत्तार (चांदवड, २६) जागीच ठार झाले. येवल्यापासून २ किलोमीटरवर हा अपघात झाला.
अपघातानंतर ट्रकचा चालक व क्लिनर फरार झाले. येवला शहर पोलिस ठाण्यात त्यांच्या विरूद्ध गुन्हा नोंदवण्यात आला आहे. अपघातात ठार झालेले शांताराम मेतकर हे सेवानिवृत्त प्राथमिक शिक्षक होते. त्यांनी सेवानिवृत्तीनंतर चांदवड येथे मुलासोबत किराणा दुकान सुरू केले होते. मुलगी पाहण्याचा कार्यक्रम ठरल्यानंतर सर्व नातेवाईक चांदवडला आले व तेथून ते सोलापूरकडे रात्री ११ वाजता रवाना झाले. त्यानंतर अवघ्या तासाभरात हा अपघात झाला.
चांदवड येथील किरण शांताराम मेतकर (३०) हा मुलगी पाहण्यासाठी त्याचे धुळे, मनमाड, नगर व चांदवड येथील नातेवाईकासह सोलापूरला जात असताना हा अपघात झाला. त्यात किरणही ठार झाला. या अपघातात किरणचे वडील शांताराम मेतकर (६०) त्याचे नातेवाईक उद्धव महाजन (मनमाड, ५०), योगेश तलवारे (धुळे, ५०), गणेश बुरकुल (नगर, ५०) यांच्यासह चालक सलीम रहीम अत्तार (चांदवड, २६) जागीच ठार झाले. येवल्यापासून २ किलोमीटरवर हा अपघात झाला.
अपघातानंतर ट्रकचा चालक व क्लिनर फरार झाले. येवला शहर पोलिस ठाण्यात त्यांच्या विरूद्ध गुन्हा नोंदवण्यात आला आहे. अपघातात ठार झालेले शांताराम मेतकर हे सेवानिवृत्त प्राथमिक शिक्षक होते. त्यांनी सेवानिवृत्तीनंतर चांदवड येथे मुलासोबत किराणा दुकान सुरू केले होते. मुलगी पाहण्याचा कार्यक्रम ठरल्यानंतर सर्व नातेवाईक चांदवडला आले व तेथून ते सोलापूरकडे रात्री ११ वाजता रवाना झाले. त्यानंतर अवघ्या तासाभरात हा अपघात झाला.
